لعبة مافيا

وش تحتاجون؟

• شاشة وحدة يشوفها الكل، تلفزيون أو لابتوب، وهي اللي تروي اللعبة.
• جوال لكل لاعب، بدون تحميل تطبيق: يمسح الكود ويكتب اسمه.
• من 4 إلى 20 لاعب.
• اللي يفتح الغرفة يحتاج حساب في فطنة، واللاعبين ما يحتاجون.

الأدوار

عدد المافيا يتحدد حسب عددكم: واحد إذا كنتم من 4 إلى 6، اثنين من 7 إلى 10، وثلاثة إذا كنتم 11 وفوق. وتقدرون تغيّرونه من «قوانين القعدة» قبل ما تبدأون.

كيف تنلعب؟

1. افتحوا غرفة على الشاشة، وكل لاعب يمسح الكود بجواله ويكتب اسمه.
2. الشاشة توزّع الأدوار بالسر، وكل واحد يشوف دوره على جواله بس.
3. يجي الليل: المافيا تتفق على ضحية، والطبيب يختار واحد ينقذه، والمحقق يسأل عن واحد إذا هو مافيا أو لا.
4. يطلع الصبح: الشاشة تعلن وش صار، تتناقشون، وبعدها كل واحد يصوّت من جواله. اللي ياخذ أكثر الأصوات يطلع، وإذا تعادلوا ما يطلع أحد.
5. تفوز المدينة إذا طلعت المافيا كلها، وتفوز المافيا إذا صار عددها يساوي عدد الباقين.